Huawei Technologies Co. AQShning Huawei uskunalarini taqiqlashi muhim komponentlar yetkazib berishni to‘xtatish bilan tahdid qilganidan so‘ng, kichik kreditorlar guruhidan 1 milliard dollar qo‘shimcha moliyalashtirishni talab qilmoqda.
Bloomberg agentligiga ismi oshkor etilmagan manbaning aytishicha, eng yirik telekommunikatsiya uskunalari ishlab chiqaruvchisi AQSh yoki Gonkong dollarida offshor kredit olmoqchi. Shuningdek, Huawei kreditni 5-7 yil ichida to‘lashni kutayotgani ma’lum qilingan.
Eslatib o'tamiz, Huawei AQSh va Xitoy o'rtasidagi savdo urushida markaziy o'yinchilardan biriga aylandi. O‘tgan hafta AQSh hukumati Xitoy telekom gigantini kompaniyalar qora ro‘yxatiga qo‘shib, Huawei’ning amerikalik ishlab chiqaruvchilar tomonidan taqdim etilgan apparat va dasturiy yechimlarga kirishini chekladi.
Manbaning qayd etishicha, ayni damda kredit bo‘yicha muzokaralar dastlabki bosqichda, shu sababli kelishuv amalga oshishini aytish qiyin. Agar shunday bo‘ladigan bo‘lsa, kredit hajmi va bitimda ishtirok etayotgan banklar tafsilotlari Huawei’ning moliyaviy kuchi haqida qo‘shimcha ma’lumot berishi mumkin. Eslatib o‘tamiz, 2018 yil dekabr holatiga ko‘ra xitoylik ishlab chiqaruvchi 37 milliard yuan miqdorida garovsiz bank kreditlariga ega bo‘lib, bu taxminan 5,3 milliard dollarni tashkil etadi.2018 yil hisobotiga ko‘ra, kompaniya ixtiyorida qarzning umumiy summasi qariyb 2,6 barobar ko‘p naqd pul va ekvivalentlarga ega bo‘lgan. .
Eslatib o‘tamiz, bugungina AQSh prezidenti Donald Tramp Huawei’ni “juda xavfli” deb atagan, biroq kompaniya Xitoy bilan savdo kelishuvining bir qismiga aylanishi mumkinligini istisno etmagan.
Manba: 3dnews.ru