Fransiyaning Renault SA avtomobil kompaniyasi chorshanba kuni Xitoyning Jiangling Motors Corporation Group (JMCG) ga tegishli elektromobil ishlab chiqaruvchi JMEV kompaniyasi ustav kapitalining 50 foizini sotib olish niyatida ekanligini e'lon qildi. Bu Renault’ga dunyodagi eng yirik avtomobil bozoridagi ishtirokini kengaytirish imkonini beruvchi qo‘shma korxonani yaratadi. Fransuz kompaniyasi sotib olgan JMEV ulushining qiymati 145 million dollarni tashkil qiladi.
JMEV hozirda hamyonbop elektr sedanlar va sport avtomobillarini ishlab chiqaradi. JMEV veb-saytida e'lon qilingan ma'lumotlarga ko'ra, kompaniyaning ishlab chiqarish quvvati yiliga 150 000 avtomobilni tashkil qiladi.
JMCG Group Xitoyning janubida joylashgan Nanchang shahrida joylashgan. Shuningdek, u Fordning Xitoydagi qo'shma korxonalaridan biri Jiangling Motors (JMC) ning eng yirik aktsiyadori bo'lgan Jiangling Holdingsning 50% ulushiga ega.
Manba: 3dnews.ru