Italiyada koronavirus tarqalishining epitsentri bo‘lgan Lombardiya avtonom viloyatidagi Varese shahridagi Circolo kasalxonasida oltita robot paydo bo‘ldi. Ular shifokor va hamshiralarga koronavirus bilan kasallangan bemorlarni parvarish qilishda yordam berishmoqda.
Robotlar bemorlarning yotoqxonasida qolib, hayotiy belgilarni kuzatib boradi va ularni shifoxona xodimlariga yetkazadi. Ular bemorlarga shifokorlarga xabar yuborish imkonini beruvchi sensorli ekranlarga ega.
Eng muhimi, robot yordamchilardan foydalanish shifoxonaga shifokorlar va hamshiralarning bemorlar bilan bevosita aloqada bo‘lishini cheklash imkonini beradi va shu orqali infektsiya xavfini kamaytiradi.
Chorshanba kuni jurnalistlarga shifokorlardan birining o‘g‘li nomini olgan Tommi roboti “Mening qobiliyatlarimdan foydalanib, tibbiyot xodimlari bemorlar bilan bevosita aloqa qilmasdan bog‘lana oladilar”, deb tushuntirdi.
Robotlar, shuningdek, shifoxonaga xodimlar foydalanishi kerak bo'lgan himoya niqoblari va xalatlarini tejashga yordam beradi.
Biroq, barcha bemorlar robotlardan foydalanishni yoqtirmaydi. "Siz bemorga robotning vazifalari va funktsiyalarini tushuntirishingiz kerak", deydi intensiv terapiya bo'limi boshlig'i Franchesko Dentali. - Birinchi reaktsiya har doim ham ijobiy emas, ayniqsa keksa bemorlar uchun. Ammo maqsadingizni tushuntirsangiz, bemor xursand bo‘ladi, chunki u shifokor bilan gaplasha oladi”.
Manba: 3dnews.ru