Xitoyning Xiaomi kompaniyasi tomonidan yaratilgan Redmi brendi ilgari internetda paydo bo'lgan Y3 smartfonining yaqin orada e'lon qilinishiga shama qildi.
Ma`lum qilinishicha, qurilma 32 megapikselli matritsali old kamera bilan jihozlanadi. Redmi India Twitter akkauntida ushbu selfi moduli imkoniyatlarini namoyish qiluvchi video allaqachon paydo bo‘lgan.
Redmi Y3 smartfoni o‘rta darajadagi qurilma bo‘ladi. Avvalroq uning “miya” markazi Snapdragon 632 protsessori bo‘lishi ma’lum bo‘lib, u sakkizta Kryo 250 yadrosini 1,8 gigagertsgacha takt chastotasi va Adreno 506 grafik tezlatkichini birlashtirgan.
Yangi mahsulotning displey o'lchami, dastlabki ma'lumotlarga ko'ra, diagonalda taxminan 6 dyuymni tashkil qiladi. Qurilma Android 9.0 Pie operatsion tizimi bilan birga keladi. Tez orada rasmiy e'lon qilinishi kutilmoqda.
IDC hisob-kitoblariga ko'ra, Xiaomi eng yirik smartfon ishlab chiqaruvchilari ro'yxatida to'rtinchi o'rinda. O‘tgan yili kompaniya 122,6 million dona qurilma sotgan bo‘lib, jahon bozorining 8,7 foizini egallagan.
Manba: 3dnews.ru