Moskva meri Sergey Sobyanin Rossiya Ichki ishlar vazirligi Bosh boshqarmasining kengaytirilgan yig‘ilishida poytaxtda videokuzatuv tizimini rivojlantirish haqida gapirdi.
Uning so‘zlariga ko‘ra, o‘tgan yili Moskvada shahar videokuzatuv tizimi negizida yuzni tanish texnologiyalari bilan tajribalar o‘tkazilgan. Ushbu yechim yuqori samaradorlikni ko'rsatdi va shuning uchun joriy yilning 1 yanvaridan boshlab uni keng miqyosda amalga oshirish boshlandi.
Xususan, oddiy videokameralar HD sifatdagi qurilmalarga almashtirilmoqda. Bundan tashqari, deyarli butun Rossiya poytaxtida yuzni tanishga ega sun'iy intellekt tizimlari ulanadi.
Qayd etilishicha, o‘tgan yili Moskvada yuzni tanish tizimi tufayli qidiruvdagi o‘nlab fuqarolarni qo‘lga olish mumkin bo‘lgan. Kuz boshiga kelib, tizim poytaxt metrosida ishlay boshlaydi.
“1-sentabrgacha mazkur tizim metropolitenda to‘liq joriy etiladi. Bu nimani anglatadi? Demak, qidiruvdagi shaxslar sanoqli soniyalarda metroda aniqlanadi”, — dedi Sergey Sobyanin.
Bundan tashqari, tizim asosida video-tahlil platformasi joylashtirilishi mumkin. Bu shaharda jinoyat sodir bo‘lgan joylarni deyarli avtomatik tarzda aniqlash imkonini beradi.
Manba: 3dnews.ru