Telegram asoschisi Pavel Durov chorshanba kuni messenjerga qilingan va servisdagi uzilishlarga olib kelgan DDoS hujumi ortida Xitoy hukumati turgan bo‘lishi mumkinligini taxmin qildi.
Telegram asoschisi Twitter’da DDoS hujumi uchun asosan Xitoy IP manzillaridan foydalanilganini yozdi. Shuningdek, u Telegram’dagi an’anaviy ravishda eng yirik DDoS hujumlari Gonkongdagi norozilik namoyishlariga to‘g‘ri kelishini va bu holat bundan mustasno emasligini ta’kidladi.
Telegram messenjeridan Gonkong aholisi faol foydalanmoqda, chunki u norozilik namoyishlarini tashkil qilish va muvofiqlashtirish vaqtida ularni aniqlashdan qochish imkonini beradi. Telegram’ga hujum Xitoy hukumati bunday xatti-harakatlari bilan messenjer ishiga xalaqit berishga va uning minglab odamlarning norozilik namoyishlarini tashkil qilish vositasi sifatida samaradorligini cheklashga urinayotganini anglatishi mumkin.
IP manzillar asosan Xitoydan keladi. Tarixiy jihatdan, biz boshdan kechirgan barcha davlat aktyorlik DDoS (200-400 Gb/s axlat) Gonkongdagi norozilik namoyishlariga to'g'ri kelgan (muvofiqlashtirilgan ). Bu holat istisno emas edi.
- Pavel Durov (@durov)
Onlayn manbalarga ko'ra, shifrlangan xabarlarni yuborish imkonini beruvchi Telegram va Firechat kabi ilovalar hozirda Gonkongdagi App Store foydalanuvchilari orasida juda mashhur. Buning ajablanarli joyi yo'q, chunki ko'plab namoyishchilar o'zlarining kimligini yashirishga harakat qilishadi. Namoyishchilar ma’lumotlarni shifrlangan shaklda uzatuvchi tezkor messenjerlardan foydalanishdan tashqari, yuzni tanish tizimlari orqali shaxsni aniqlashdan qochish uchun yuzlarini yashirishga harakat qilmoqda.
Eslatib o‘tamiz, chorshanba kuni Gonkongda ekstraditsiya to‘g‘risidagi qonunga kiritilgan o‘zgartirishlarga qarshi minglab norozilik namoyishi bo‘lib o‘tdi. Norozi fuqarolar Gonkong qonunchilik assambleyasi majmuasi yaqinida barrikadalar o‘rnatib, politsiya bilan to‘qnash kelishgan. Bu qonunga o‘zgartirishlar kiritishni ko‘rib chiqish rejalashtirilgan parlament yig‘ilishini bekor qilishga majbur bo‘lishiga olib keldi.
Manba: 3dnews.ru