Toyota muhandislari qo‘shimcha energiya yig‘ish uchun avtomobil yuzasiga o‘rnatilgan quyosh panellarining takomillashtirilgan versiyasini sinovdan o‘tkazmoqda. Avvalroq kompaniya Yaponiyada Toyota Prius PHV ning eksklyuziv versiyasini ishlab chiqargan edi, unda Sharp va NEDO milliy tadqiqot tashkiloti tomonidan ishlab chiqilgan quyosh panellaridan foydalaniladi.
Ta’kidlash joizki, yangi tizim Prius PHV’da qo‘llanilganidan sezilarli darajada samaraliroq. Prototip quyosh batareyasi xujayralarining samaradorligi 34% gacha oshdi, Prius PHV ishlab chiqarishda foydalanilgan panellar uchun esa xuddi shunday ko'rsatkich 22,5% ni tashkil qiladi. Ushbu o'sish nafaqat yordamchi qurilmalarni, balki dvigatelning o'zini ham zaryad qilish imkonini beradi. Rasmiy maʼlumotlarga koʻra, yangi quyosh panellari masofani 56,3 km ga oshiradi.
Kompaniya muhandislari quyosh panellari uchun qayta ishlangan plyonkadan foydalanadilar. Hujayralarni joylashtirish uchun avtomobilning sezilarli darajada kattaroq sirt maydoni ishlatiladi. Bundan tashqari, tizim avtomobil harakatlanayotganda ham to'liq ishlaydi, bu avvalgi ishlanmalarga nisbatan sezilarli qadamdir.
Yangi quyosh panellari bilan jihozlangan avtomobillarning sinov versiyalari iyul oyi oxirida Yaponiyaning umumiy foydalanishdagi yo‘llarida paydo bo‘lishi kutilmoqda. Tizimning imkoniyatlari mamlakatning turli hududlarida sinovdan o‘tkaziladi, bu esa turli ob-havo va yo‘l sharoitlarida ishlash imkoniyati haqida tasavvur beradi. Toyota muhandislarining yakuniy maqsadi yangi tizimni bozorga tijoriy joriy etish uchun tayyorlashdir. Kompaniya kelajakda har xil turdagi transport vositalarida qo‘llanilishi mumkin bo‘lgan yanada samarali quyosh energiyasi texnologiyasini joriy etish niyatida.
Manba: 3dnews.ru