Germaniyaning Volkswagen AG avtomobil ishlab chiqaruvchisi va Xitoyning Anhui Jianghuai Automobile Co (JAC) avtomobilsozlik kompaniyasi o‘rtasidagi qo‘shma korxona Xefeyning sharqiy qismida yangi elektromobil ishlab chiqaruvchi zavod qurish uchun 5,06 milliard yuan (750,8 million dollar) sarmoya kiritishni rejalashtirmoqda.
Bu haqda Xefey iqtisodiy va texnologik rivojlanish hududiga bag‘ishlangan onlayn nashrda xabar berilgan. E’lon qilingan hujjatga ko‘ra, Volkswagen va JAC atrof-muhitni muhofaza qilish organlaridan yiliga 100 mingtagacha elektromobil ishlab chiqaradigan zavod qurishga ruxsat olgan.
Qo‘shma korxona vakili zavod qurish rejalarini tasdiqlab, kompaniyaning SOL E20X deb nomlangan birinchi elektromobili joriy yilda chiqarilishini ta’kidladi.
Manba: 3dnews.ru