Janubiy Koreya hukumati Samsung Electronics kabi mahalliy chip ishlab chiqaruvchilarga mahalliy yetkazib beruvchilar tomonidan yetkazib beriladigan mahsulotlar sifatini sinovdan o‘tkazish uchun o‘z uskunalarini taqdim etishga ruxsat berdi.
Yaponiya smartfon displeylari va xotira chiplari ishlab chiqarishda qo‘llaniladigan yuqori texnologiyali materiallarni Janubiy Koreyaga eksport qilishga cheklovlar kiritganidan so‘ng, mamlakat rasmiylari Samsung va SK Hynix uchun mahsulotlarni mahalliy yetkazib beruvchilarni qo‘llab-quvvatlashga va’da berdi.
“Odatda, agar sizda chiplar tayyorlash uchun material yoki jihozlar bo‘lsa, uni sinovdan o‘tkazish uchun Belgiyaning IMEC nomli yarimo‘tkazgichlar tadqiqot institutiga yuborasiz. Bu juda qimmat va loyihani amalga oshirish boshlanishidan oldin to‘qqiz oydan ko‘proq vaqtni oladi”, dedi Reuters agentligiga bu masala bo‘yicha qisqacha ma’lumot bergan hukumat amaldori. Uning so‘zlariga ko‘ra, chip ishlab chiqaruvchilar va ularning mijozlari mahalliy yetkazib beruvchilarni sinovdan o‘tkazish uchun o‘z jihozlarini taqdim etishga hech qanday rag‘batga ega emas. Ammo favqulodda vaziyatlar tufayli hukumat ularni bunga ko'ndirgan.
Mahsulotlari rivojlanishning yakuniy bosqichida bo'lgan etkazib beruvchilar o'z mijozlarining uskunalarini sifatni tekshirish uchun ishlatishdan foyda ko'radilar, chunki bu o'z mahsulotlarini bozorga tezroq olib chiqish imkonini beradi.
Manba: 3dnews.ru