Ma'lum bo'lishicha, Kuru kosmodromi hududidan BAA Falcon Eye 2 kosmik kemasi bilan "Soyuz-ST" raketasini uchirilishi bir kunga qoldirildi. Bunday qaror Fregatning yuqori bosqichida texnik nosozlik aniqlanganidan keyin qabul qilingan. Bu haqda RIA Novosti raketa-koinot sanoatidagi o‘z manbasiga tayanib xabar bermoqda.
“Uchirish 7 martga qoldirildi. Kecha Fregatning yuqori bosqichida muammolar yuzaga keldi va hozirda mutaxassislar ularni hal qilishmoqda”, — dedi agentlik manbasi. “Soyuz” raketalarini ishlab chiqaruvchi “Roskosmos” davlat korporatsiyasi vakillaridan bu borada rasmiy izoh berilmagan.
Joriy yilning yanvar oyida 6-mart kuni bortida Falcon Eye 2 sun’iy yo‘ldoshi bo‘lgan “Soyuz-ST-A” raketasi uchirilishi ma’lum qilingan edi. Mavjud ma'lumotlarga ko'ra, sun'iy yo'ldosh optik-elektron razvedka uchun mo'ljallangan.
Avvalroq Kuru kosmodromidan “Soyuz”, “Vega” va “Ariane-5” raketa-tashuvchilari yordamida kosmik kemalarni uchirish bo‘yicha xizmatlar ko‘rsatuvchi Arianespace kompaniyasi 2020-yilda “Soyuz-ST” raketalarining 4 marta uchirilishi kerakligini ma’lum qilgandi. Umuman olganda, 2011 yil kuzidan beri "Soyuz-ST" tashuvchi raketalari Kuru kosmodromi maydonidan 23 marta uchirilgan. 2014 yildagi uchirilishlardan birida Fregatning yuqori bosqichidagi muammolar Yevropa Galileo navigatsiya sun'iy yo'ldoshlarining noto'g'ri orbitaga chiqarilishiga olib keldi.
Manba: 3dnews.ru