O'tgan yili Google o'zining markali smartfonlari assortimentini o'zgartirib, Pixel 3 va 3 XL flagman qurilmalaridan so'ng ularning arzonroq versiyalarini chiqardi: mos ravishda Pixel 3a va 3a XL. Bu yil texnologiya giganti xuddi shu yo'ldan borishi va Pixel 4a va Pixel 4a XL smartfonlarini chiqarishi kutilmoqda.
Internetda yaqinlashib kelayotgan qurilmalar haqida juda ko'p ma'lumotlar paydo bo'ldi, ammo endi Pixel 4a qanday ko'rinishi haqida ishonchli ma'lumotlar mavjud. Smartfon uchun himoya korpuslarining bir nechta renderlari nashr etildi, ular qurilma dizayni haqida aniq tasavvur beradi. Tasvirlar Pixel 4a’ning avval internetga tarqalib ketgan suratlariga mos keladi.
Yangi renderlarga ko'ra, qurilma ekranning yuqori chap burchagida joylashgan old kamera uchun dumaloq shaklga ega bo'ladi. Smartfonning orqa tomonida kvadrat kamera moduli bo'ladi, unda faqat bitta linza va LED chirog'i joylashadi. Bundan tashqari, qurilmaning orqa tomonida barmoq izlari skaneri bo‘ladi.
USB Type-C porti smartfonning pastki uchida, yuqori qismida esa 3,5 mm naushnik uyasi joylashadi. Quvvat tugmasi va ovoz balandligi tugmalari qurilmaning o'ng tomonida joylashgan bo'ladi.
Google hozircha smartfonlar qachon chiqarilishini e'lon qilmagan, biroq, taxmin qilish mumkinki, Pixel 4a va Pixel 4a XL o'tgan yilgi modellar kabi may oyida taqdim etiladi.
Manba: 3dnews.ru