Прэзідэнт кампаніі Blizzard Джэй Ален Брэк (J. Allen Brack) пракаментаваў скандал вакол бана ганконгскага гульца ў Hearthstone Чана blitzchung Нг Вая (Chung Ng Wai). Ён заявіў, што гэтае не палітычнае рашэнне і яно ніяк не звязанае з працай фірмы ў Кітаі.
Брэк растлумачыў, што кампанія выступае за свабоду мыслення. Ён распавёў, што Blizzard спрабуе аб'ядноўваць гульцоў пры дапамозе кіберспорту і імкнецца ўсяляк абараняць гэтыя каштоўнасці. Кіраўнік студыі адзначыў, што прычынай бана сталі не думкі кіберспартсмена, а парушэнне правілаў паводзін на трансляцыі. На яго думку, стрымы прысвечаны турніру і прызначаны ў першую чаргу для яго асвятлення.
Распрацоўнік расказаў, што адносіны з кітайскім урадам і вядзенне бізнесу ў гэтай краіне ніяк не паўплывалі на выніковае рашэнне. Брэк адзначыў, што, на яго думку, кіраўніцтва турніру адрэагавала вельмі строга. Паколькі гулец гуляў сумленна, то ён атрымае абяцаныя прызавыя. Акрамя таго, Blizzard скараціла тэрмін забароны на ўдзел у турнірах з 12 да 6 месяцаў.
8 кастрычніка Чан blitzchung Нг Вай на афіцыйным стрыме турніру па Hearthstone маску і выгукнуў фразу ў падтрымку ганконскіх пратэстуючых. Пасля гэтага Blizzard дыскваліфікавала гульца на год і пазбавіла яго прызавых.
Пратэсты ў Ганконгу праходзяць з сярэдзіны чэрвеня 2019 года. Першапачаткова актывісты выступалі супраць прыняцця законапраекта аб экстрадыцыі падазраваных і зняволеных у Кітай, Тайвань і Макао, але пазней яны сфарміравалі спіс з пяці патрабаванняў. Акрамя адмены разгляду законапраекта, яны запатрабавалі правесці расследаванне дзеянняў паліцыі на дэманстрацыях, выпусціць усіх арыштаваных на мітынгах, адмяніць тэрмін "масавыя беспарадкі" ў адносінах да падзей у краіне і стварыць сістэму выбараў у Ганконгу. Цяпер улады выканалі толькі адно патрабаванне - адмянілі разгляд законапраекта.
Крыніца: 3dnews.ru