1 красавіка
Для выяўлення гравітацыйных хваляў выкарыстоўваюцца абсерваторыі LIGO (Laser Interferometer Gravitational-Wave Observatory) і Virgo. Першая аб'ядноўвае два комплексы, якія размешчаны на тэрыторыі ЗША ў Лівінгстане (штат Луізіяна) і ў Хэнфардзе (штат Вашынгтон). У сваю чаргу, дэтэктар Virgo размешчаны ў Еўрапейскай гравітацыйнай абсерваторыі (EGO).
Такім чынам, паведамляецца, што ў канцы красавіка ўдалося зарэгістраваць адразу два гравітацыйныя сігналы. Першы быў зафіксаваны 25 красавіка. Яго крыніцай, паводле папярэдніх звестак, стала касмічная катастрофа — зліццё дзвюх нейтронных зорак. Масы такіх аб'ектаў параўнальныя з масай Сонца, але радыус складае толькі 10-20 кіламетраў. Крыніца сігналу знаходзілася на адлегласці прыкладна 500 млн светлавых гадоў ад нас.
Другая падзея зафіксавана 26 красавіка. Навукоўцы мяркуюць, што на гэты раз гравітацыйныя хвалі нарадзіліся ў выніку сутыкнення нейтроннай зоркі і чорнай дзіркі на выдаленні ў 1,2 светлавых гадоў ад Зямлі.
Адзначым, што аб першым выяўленні гравітацыйных хваляў было абвешчана 11 лютага 2016 года - іх крыніцай стала зліццё двух чорных дзірак. А ў 2017-м навукоўцы ўпершыню назіралі гравітацыйныя хвалі ад зліцця дзвюх нейтронных зорак.
Крыніца: 3dnews.ru