Олон улсын цагдаагийн газрын мөрдөн байцаалтын дараа халдагчид хэрэглэгчдийн компьютерийг хяналтандаа авах боломжийг олгодог хакерын хэрэгслийг зардаг Imminent Methods вэбсайтыг Их Британид хаажээ.
Их Британийн Үндэсний гэмт хэрэгтэй тэмцэх агентлагийн (NCA) мэдээлснээр ойролцоогоор 14,500 хүн Imminent Methods-ийн үйлчилгээг ашигласан байна. Гэмт этгээдүүдийг олохын тулд хууль сахиулагчид дэлхийн 80 гаруй газарт нэгжлэг хийжээ. Тодруулбал, Их Британид Халл, Лидс, Лондон, Манчестер, Мерсисайд, Милтон Кейнс, Ноттингем, Сомерсет, Суррей зэрэг хотуудад нэгжлэг хийжээ.
Мөн цагдаа нар хакердах программ худалдаж авсан хүмүүсийг илрүүлж чадсан байна. Тэд компьютерийг зүй бусаар ашигласан хэргээр хариуцлага хүлээх болно. Олон улсын ажиллагааг Австралийн Холбооны цагдаа удирдсан.
Хакердах программ худалдсан, ашигласан хэргээр нийт 14 хүнийг баривчилсан гэж цагдаа нар мэдэгдэв.
Цагдаа нар вэб сайтыг хяналтандаа авснаар түүний үйл ажиллагааг нарийвчлан судалж, хууль бус хэрэгслийг худалдаж авсан хүмүүсийг илрүүлэх боломжтой болно гэж Суррейгийн их сургуулийн кибер аюулгүй байдлын мэргэжилтэн, профессор Алан Вүүдвард хэлэв.
"Эрх баригчид одоо хичнээн хэрэглэгч энэ хортой програмыг худалдаж авсныг мэдэж байна. Тэд одоо үүнийг худалдаж авах гэж тэнэг байсан 14,500 хүнийг илчлэхийн тулд ажиллах болно" гэж Вүүдворд тэмдэглэв.
Эх сурвалж: 3dnews.ru
