Mitsubishi ემშვიდობება დიზელის ძრავებს

იაპონური ავტომწარმოებელი Mitsubishi Motors აღარ შეიმუშავებს ახალ დიზელის ძრავებს, 2021 წლის ბოლოსთვის შეწყვეტს ძირითადი მოდელების დიზელის ვარიანტების წარმოებას და „მნიშვნელოვნად შეამცირებს დიზელის ავტომობილების ბიზნესის ზომას“, - იტყობინება Nikkei Asian Review.

საუკეთესო შემთხვევაში, მომხმარებლებს შეუძლიათ იმედი ჰქონდეთ, რომ კომპანია გააგრძელებს მუშაობას არსებულ დიზელის ძრავებზე, წერს Nikkei.

ეს გადაწყვეტილება დიდწილად განპირობებულია ზოგიერთ მსხვილ ბაზარზე, განსაკუთრებით ევროპაში, დიზელის საწვავზე უარის თქმის ტენდენციებით. Nikkei-ს ანგარიშში ნათქვამია, რომ ზოგიერთი პროგნოზის თანახმად, დიზელის ძრავიანი ავტომობილების გლობალური გაყიდვები მომდევნო 10 წლის განმავლობაში შესაძლოა 40%-ით შემცირდეს.

„Mitsubishi Motors-ის დიზელის ძრავების შეთავაზება შემოიფარგლება მცირე ზომის სატვირთო მანქანებით და ზოგიერთი ჯიპის მოდელით ევროპასა და აშშ-ში, ასევე Delica D:5 მინივენით, რომელიც მასობრივ წარმოებაში გადის იაპონიაში“, - იტყობინება Nikkei. Mitsubishi-ის დიზელის ძრავიან ავტომობილებში, სავარაუდოდ, მომდევნო ორი-სამი წლის განმავლობაში 20%-ზე ნაკლები იქნება, 2018 წლის 24%-თან შედარებით.

ეს ნაბიჯი თანხვედრაშია სხვა იაპონელი მწარმოებლების გადაწყვეტილებებთან, რომლებიც ევროპაში დიზელის ძრავიანი ავტომობილების გაყიდვებზე აქცენტს აკეთებენ, მათ შორის Toyota-ს, Honda-ს და Renault-Nissan-Mitsubishi-ს ალიანსის პარტნიორ Nissan-ის გადაწყვეტილებებთან.

წყარო: 3dnews.ru