Sony-მ PS5-ის თამაშების შოუ 4 ივნისს გადადო

სულ რაღაც ორი დღის წინ Sony-მ დააანონსა PlayStation 5-ისთვის განკუთვნილი თამაშებისადმი მიძღვნილი მომავალი ღონისძიება. თუმცა, მას შემდეგ ბევრი რამ შეიცვალა (სავარაუდოდ, შეერთებულ შტატებში მასობრივი არეულობის გამო), ამიტომ იაპონურმა კომპანიამ პრეზენტაციის გადადება გადაწყვიტა.

PlayStation-ის ოფიციალურ Twitter-ის გვერდზე კომპანიამ რამდენიმე მოკლე სიტყვა დაწერა:

„ჩვენ გადავწყვიტეთ, გადაგვედო PlayStation 5-ის 4 ივნისს დაგეგმილი ღონისძიება. მიუხედავად იმისა, რომ გვესმის, რომ მთელი მსოფლიოს მოთამაშეები მოუთმენლად ელიან PS5-ის პრეზენტაციას, არ ვფიქრობთ, რომ ახლა აღსანიშნავად შესაფერისი დროა, ამიტომ გადავწყვიტეთ, უკან დავიხიოთ და უფრო მნიშვნელოვანი ხმები გავიგონოთ.“

pic.twitter.com/ZAY8StN0EU

- PlayStation (@PlayStation) ივნისი 1, 2020

გაურკვეველია, როდის უნდა ველოდოთ პრეზენტაციას, რომელსაც PlayStation-ის მრავალი გულშემატკივარი ელის. შეგახსენებთ: ღონისძიებაზე უნდა წარმოდგენილიყო დიდი და დამოუკიდებელი სტუდიების ახალი თაობის თამაშები, რომლებიც PlayStation 5-ის გამოშვებასთან ერთად იქნება ხელმისაწვდომი.

COVID-19 პანდემიის გამო პრეზენტაცია ონლაინ უნდა ჩატარებულიყო და დაახლოებით ერთი საათი გაგრძელებულიყო. იმედია, დიდხანს ლოდინი არ მოგვიწევს. შესაძლოა, ზოგიერთმა სტუდიამ ამ კვირაში მაინც თავად წარმოადგინოს თავისი ახალი პროექტები?

წყარო: 3dnews.ru