Avtomobillar uchun avtonom boshqaruv texnologiyalarini ishlab chiqishga ixtisoslashgan Rossiyaning Cognitive Pilot texnologik startapi 2023-yildan keyin aksiyalarni birlamchi ommaviy taklif qilishni (IPO) ko'rib chiqmoqda, deb xabar berdi kompaniya bosh direktori Olga Uskova Reuters agentligiga.
“Ushbu sektordagi birinchi IPOlar juda muvaffaqiyatli boʻladi. Bu lahzani qoʻldan boy bermaslik muhim”, deb taʼkidladi Uskova va 2023-yildan keyin Cognitive Pilot IPO oʻtkazadi yoki yangi investitsiya bosqichini eʼlon qiladi, deb qoʻshimcha qildi.
Cognitive Pilot yengil avtomobillar, shuningdek, qishloq xoʻjaligi texnikasi, poyezdlar va tramvaylar uchun avtonom boshqaruv tizimlarini ishlab chiqadi. Uning mijozlari qatoriga davlatga qarashli temir yoʻl operatori Rossiya temir yoʻllari, qishloq xoʻjaligi kompleksi Rusagro va Janubiy Koreyaning avtomobil ehtiyot qismlari ishlab chiqaruvchi Hyundai Mobis kiradi.
Cognitive Pilot Cognitive Technologies kompaniyalar guruhi va uning 30% aktsiyalariga egalik qiluvchi Sberbank tomonidan yaratilgan.
Manba: 3dnews.ru
