Toyota kompaniyasi Xitoyning Tyantszin shahrida o'zining xitoylik hamkori FAW Group avtomobil kompaniyasi bilan hamkorlikda yangi energiya vositalari (NEV) - elektr transport vositalari, gibridlar va yonilg'i elementlari ishlab chiqarish uchun yangi zavod qurishga qaror qildi.
Eko-shahar rasmiylari tomonidan e'lon qilingan hujjatlarga ko'ra, yapon kompaniyasining yangi ishlab chiqarish zavodiga kiritgan sarmoyasi 8,5 milliard yuanni (1,22 milliard dollar) tashkil etadi. Hujjatlarda shuningdek, zavodning ishlab chiqarish quvvati yiliga 200 mingta avtomobilni tashkil etishi ko'rsatilgan.
Toyota kompaniyasining Xitoyda allaqachon to'rtta zavodi bor. COVID-19 avj olishi sababli u yerdagi faoliyat to'xtatilgan edi. Fevral oyi o'rtalarida kompaniya Changchun, Guanchjou va Tyantszindagi zavodlarida faoliyatni qayta tiklash to'g'risida qaror qabul qilganini e'lon qildi. Bir necha kun oldin Toyota Chengdudagi zavodida ishlab chiqarishni qayta boshladi.
2019-yilda Xitoy avtomobil bozori 8,2% ga qisqarganiga qaramay, yapon kompaniyasi oʻtgan yili u yerda 1,62 million Toyota avtomobilini, shuningdek, premium Lexus brendi modellarini sotdi, bu esa oʻtgan yilga nisbatan 9% ga oʻsishni koʻrsatdi.
Manba: 3dnews.ru
