Xalqaro politsiya tekshiruvidan so‘ng Buyuk Britaniyada tajovuzkorlarga foydalanuvchilarning kompyuterlarini nazorat qilish imkonini beruvchi xakerlik vositalarini sotuvchi Imminent Methods veb-sayti yopildi.
Buyuk Britaniya Milliy Jinoyat Agentligi (NCA) ma'lumotlariga ko'ra, taxminan 14 500 kishi Imminent Methods xizmatlaridan foydalangan. Jinoyatchilarni topish uchun huquq-tartibot idoralari dunyoning 80 dan ortiq joylarida tintuv o‘tkazdi. Xususan, Buyuk Britaniyada tintuvlar Xall, Lids, London, Manchester, Mersisayd, Milton Keyns, Nottingem, Somerset va Surreyda o‘tkazildi.
Politsiya shuningdek, xakerlik dasturini sotib olgan shaxslarni ham topishga muvaffaq bo'ldi. Ular kompyuterdan noto'g'ri foydalanishda ayblanadi. Xalqaro operatsiya Avstraliya Federal politsiyasi tomonidan boshqarildi.
Politsiyaning ma’lum qilishicha, xakerlik dasturlarini sotish va ishlatish bilan bog‘liq jami 14 kishi hibsga olingan.
Politsiya veb-saytni nazorat qilish orqali uning faoliyatini batafsil ko'rib chiqishi va noqonuniy vositalarni sotib olganlarni aniqlashi mumkin, deydi Surrey universitetining kiberxavfsizlik bo'yicha eksperti, professor Alan Vudvord.
"Hozirda rasmiylar qancha foydalanuvchi zararli dasturni sotib olganini bilishadi. Endi ular uni sotib olishga ahmoqlik qilgan 14500 kishini fosh qilishga harakat qiladilar", - dedi Vudvord.
Manba: 3dnews.ru
