Facebook 2019-cu ilin son rübündə və ümumilikdə ilin nəticələri barədə hesabat verib: sosial şəbəkə istifadəçilərinin sayı artmaqda davam edir.
Facebook-un üç aylıq dövr üçün gəliri 21,08 milyard dollar təşkil edib. Bu, şirkətin 2018-ci ilin son rübündə 16,91 milyard dollar gəlir əldə etdiyi nəticədən dörddə bir (25%) çoxdur.
Xalis rüblük mənfəət təxminən 7% artaraq 6,88 milyard dollardan 7,35 milyard dollara çatıb. Səhm başına mənfəət 2,56 dollar olub.
31 dekabr tarixinə olan məlumata görə, aylıq aktiv Facebook istifadəçilərinin sayı bir il əvvələ nisbətən 8% artaraq 2,5 milyarda çatıb.
Sosial şəbəkənin hazırda gündəlik 1,66 milyard abunəçisi var ki, bu da illik 9% artım deməkdir.
Facebook-un 2019-cu il üçün gəliri 70,70 milyard dollara çatıb. Müqayisə üçün, şirkətin 2018-ci ildə gəliri 55,84 milyard dollar olub. Bu, il ərzində 27% artım deməkdir.
Eyni zamanda, xalis illik mənfəət 16% azalaraq 22,11 milyard dollardan 18,49 milyard dollara düşüb. Səhm başına mənfəət 6,43 dollar təşkil edib.
Facebook gəlirlərinin əsas hissəsini reklamdan əldə etməyə davam edir. Şirkətin işçi sayı da son bir ildə dörddə bir artaraq dekabr ayının sonunda 44.942 işçiyə çatıb.
Mənbə: 3dnews.ru
