Avropa Cənub Rəsədxanası (ESO) qalaktikamızın geniş ərazilərinin heyrətamiz görüntüsünü yayımlayıb.
Şəkildə Venera və Yupiter planetləri üfüqdə aşağıda göstərilir. Süd Yolu da səmada parlayır.
Fotoşəklin ön planında ESO-nun La Silla Rəsədxanası görünür. O, Atakama səhrasının kənarında, Santyaqo de Çilidən 600 km şimalda, 2400 metr yüksəklikdə yerləşir.
Bölgədəki digər rəsədxanalar kimi, La Silla da işıq çirklənməsi mənbələrindən uzaqda yerləşir və bəlkə də Yer kürəsindəki ən qaranlıq gecə səmasına malikdir. Bu, kosmik məkanın unikal görüntülərini əldə etməyə imkan verir.
Dərc olunmuş fotoşəkildə Süd Yolu bütün üfüq boyunca uzanan ulduz lenti kimi görünür. Venera kadrın sol tərəfindəki ən parlaq cisim, Yupiter isə aşağıda və bir az sağda yerləşən daha zəif işıq nöqtəsidir.
Qeyd etmək lazımdır ki, La Silla 1960-cı illərdə ESO-nun bazasına çevrilib. Burada ESO dünyanın ən məhsuldar teleskoplarından biri olan iki dörd metrlik teleskopdan istifadə edir.
Mənbə: 3dnews.ru
