Dünən biz Orange operatorunun saytında hələ elan olunmamış Moto G9 Plus smartfonunun bəzi xüsusiyyətləri haqqında məlumatın yer alması barədə məlumat dərc etmişdik. Bu gün cihaz Google Play konsolunda aşkar edilib. Eyni zamanda, smartfon haqqında daha çox təfərrüatlar məlum olub.
Moto G9 Plus-ın Full HD+ displey və 4 GB RAM alacağı barədə məlumat təsdiqlənib. Smartfon Android 10 əməliyyat sistemi ilə işləyəcək. O, 64 meqapiksellik əsas sensoru olan dörd kameralı olacaq. Daxili yaddaşın tutumu 128 GB olacaq. Cihazın 5000 milliamper/saat tutumlu akkumulyator alacağı da bildirilir.
Lakin dünənki sızma smartfonun prosessoru ilə bağlı təfərrüatları açıqlamayıb. Google Play konsolundan əldə edilən məlumatlar bu sirri bir qədər işıqlandırdı. Məlum olub ki, Moto G9 Plus-ın “ürəyi” Google Pixel 730a-da da istifadə edilən Qualcomm Snapdragon 4 prosessoru olacaq.
Satışların başlanğıcında cihazın qiymətinin 280 dollar olacağı gözlənilir. Moto G9 Plus-ın elanının təxmini tarixi hələ məlum deyil, lakin görünür ki, bu, yaxın gələcəkdə baş tutacaq.
Mənbə:
Mənbə: 3dnews.ru