Şəbəkə mənbələri Çinin OPPO şirkətinin qeyri-adi dizayn edilmiş çoxmodullu arxa kameraya malik smartfon üçün patent sənədlərini aşkar ediblər.
Şəkillərdə gördüyünüz kimi, kamera komponentləri yerləşdiyi yerdə natamam ayın formasını izləyir. Xüsusilə, qövs boyunca bir flaş və təsvir sensorları olan üç optik vahid düzülür.
Kamera elementlərinin üstündə müəyyən yarımdairəvi sahə var. Bildirişlərin göstərilməsinə xidmət edəcəyi iddia edilir. Burada animasiya edilmiş ikonaların göstəriləcəyi güman edilir.
Smartfon simmetrik USB Type-C portu və yan fiziki idarəetmə düymələri ilə təchiz olunub. Arxa tərəfdə barmaq izi skaneri yoxdur: o, yəqin ki, ekran sahəsinə birbaşa inteqrasiya olunacaq.
Ekranın özü dar çərçivələrə malikdir. Sxematik şəkillərdə ön kamera görünmür - bəlkə də OPPO onu ekranın arxasında gizlətməyə ümid edir.
Təəssüf ki, bu günə qədər qeyri-adi cihaz yalnız patent sənədlərində mövcuddur. OPPO-nun təklif olunan dizaynı həyata keçirib-etdirməyəcəyi hələ aydın deyil.
Mənbə: 3dnews.ru