Crytek адкладзе пазоў супраць распрацоўшчыкаў Star Citizen да выхаду Squadron 42

Нямецкая студыя Crytek вырашыла ўзяць паўзу у разглядзе з аўтарамі Star Citizen да выхаду Squadron 42 – самастойнага сюжэтнага рэжыму амбіцыйнага касмічнага сімулятара.

Нагадаем, што Crytek падала ў суд на Cloud Imperium Games снежні 2017 года. У ліку іншага кампанію Крыса Робертса (Chris Roberts) абвінавачваюць у распрацоўцы адразу дзвюх гульняў (Star Citizen і Squadron 42), тады як ліцэнзія была атрымана толькі на адну.

Паседжанне па справе павінна было прайсці ў чэрвені гэтага года, аднак у Crytek палічылі абмеркаванні бессэнсоўнымі да рэлізу Squadron 42. Новае слуханне прызначанае на 13 кастрычніка.

У Cloud Imperium Games ёсць час да 24 студзеня, каб адказаць на просьбу Crytek адклікаць пазоў. Зваротная заява з боку нямецкай кампаніі, у сваю чаргу, рушыць услед да 7 лютага.

Паводле інфармацыі ў судовым дакуменце, у канцы лістапада 2019 года Cloud Imperium Games раскрыла, што да гэтага часу не вырашыла, у якім выглядзе і калі будзе выпушчаны Squadron 42.

Акрамя таго, у рамках судовага працэсу Cloud Imperium Games "была вымушана прызнаць", што, насуперак мінулым заявам, не мяняла рухавічок Star Citizen і Squadron 42 з CryEngine на Lumberyard ад Amazon.

Першапачаткова выпусціць Squadron 42 планавалі яшчэ ў 2014-м, аднак тэхналогія моцна зацягнулася. Пасля нядаўняга пераносу бэта-тэставанне праекта чакаецца ў перыяд з ліпеня па верасень гэтага года.

Крыніца: 3dnews.ru