Анонс Vampire: The Masquerade - Bloodlines 2 на выставе GDC 2019 стаў прыемным сюрпрызам для многіх фанатаў сусвету "Свет Цемры" (World of Darkness). На мерапрыемстве распрацоўшчыкі раскрылі некаторыя дэталі, а зараз працягнулі дзяліцца падрабязнасцямі. У твітары Hardsuit Labs, адказная за стварэнне гульні, па просьбе фаната паведаміла працягласць сюжэтнай кампаніі.
Аўтары запэўніваюць, што праходжанне зойме 25-30 гадзін у залежнасці ад упадабанага стылю. Распрацоўнікі згадалі аб разгалінаванай гісторыі, дзе выбар мае вялікае значэнне. Дзякуючы гэтаму Bloodlines 2 можна прайсці некалькі разоў і пры гэтым убачыць нешта новае.
Асобна Hardsuit Labs згадала аб працы акцёраў агучвання. Аўтары паабяцалі «неверагодны» склад, што намякае на прысутнасць знакамітасцяў або вяртанне людзей, якія падарылі галасы героям першай гульні.
Vampire: The Masquerade – Bloodlines 2 выйдзе ў першым квартале 2020 года на PC, PS4 і Xbox One.
Крыніца: 3dnews.ru