Кампанія MSI прадставіла новы кампутарны аксэсуар – кілімок для мышы пад назвай Agility GD60, нададзены эфектным шматколерным падсвятленнем.
Для працы падсвятлення навінцы патрабуецца падлучэнне да кампутара пасродкам інтэрфейсу USB. Модуль у верхняй частцы кілімка выконвае функцыі кантролера: карыстачы змогуць змяняць колер і перамыкаць эфекты. Дарэчы, даступныя такія рэжымы працы, як "дыханне", "выбліск", "струмень" і іншыя.
Сцвярджаецца, што кілімок добра падыходзіць для мышэй са звычайнымі аптычнымі і лазернымі датчыкамі. Паверхня з мікратэкстурай забяспечвае дакладнасць кіравання і магчымасць хуткага перамяшчэння маніпулятара.
Падстава з супрацьслізготным пакрыццём павялічвае камфорт працы. Памеры складаюць 386х290х10,2 мм з кантролерам і 386х276х4 мм без модуля кіравання. Важыць выраб прыблізна 230 грамаў.
Інфармацыі аб тым, калі і па якім кошце кілімок MSI Agility GD60 паступіць у продаж, пакуль няма.
Дадамо, што кілімкі для мышы з падсветкай прапануюць і многія іншыя вытворцы. У іх лік уваходзяць Cooler Master, GIGABYTE, Sharkoon і інш.
Крыніца: 3dnews.ru
