Студыя Surgical Scalpels абвясціла аб тым, што тактычны шутэр Project Boundary набыў афіцыйную назву - Boundary. Ён паступіць у продаж для PlayStation 4 у 2019 годзе.
Boundary была першай гульнёй, якая атрымала падтрымку ў межах праграмы China Hero Project. Праект задуманы як тактычны шутэр з лёгкай прымешкай MOBA. Surgical Scalpels таксама вывучала віртуальную рэальнасць падчас фазы тэсціравання, але ў выніку вырашыла засяродзіцца на стандартнай версіі для PlayStation 4 з патэнцыйнай магчымасцю выпуску на ПК і Xbox One у будучыні.
Дзеянне Boundary разгортваецца ў не занадта падаленай будучыні. Гульня пазіцыянуецца як тактычны шматкарыстальніцкі шутэр ад першай асобы з акцэнтам на хуткі і агрэсіўны аркадны геймплэй (прымешка MOBA). Дзве каманды змагаюцца адна супраць адной у фармаце «5 на 5» у якасці наймітаў, піратаў і бандытаў.
На выбар будзе 6 класаў персанажаў з магчымасцю наладкі рыштунку. З заяўленых рэжымаў: Free For All, Team Deathmatch, Facility Capture (Domination) і Orbital Purge (Elimination). У Boundary не будзе адзіночнай кампаніі.
Бліжэйшая жывая дэманстрацыя Boundary адбудзецца на выставе Gamescom у Кёльне, якая пройдзе з 20 па 24 жніўня.
Крыніца: 3dnews.ru
