Кампанія Rockstar Games працягвае напаўняць бэта-версію Red Dead Online кантэнтам. Нядаўняе абнаўленне дадало ў гульню рэжым «Грабёж», разлічаны на супрацьстаянне дзвюх каманд. Яно таксама закранула касметычныя прадметы і дабавіла некалькі новых узораў адзення і разнавіднасцяў коней.
У вышэйзгаданым рэжыме карыстачы дзеляцца на дзве групы і з'яўляюцца ў спецыяльна падрыхтаванай лакацыі. Прыкладна ў цэнтры тэрыторыі ляжаць харчы. Байцы павінны збіраць іх і адносіць да сябе на базу. Прысутнічае магчымасць рабіць вылазкі ў варожы штаб, каб вынесці назапашаныя супернікамі рэсурсы. Калі карыстачу атрымаецца іх захапіць, то на карце з'яўляецца пазнака, а яго месцазнаходжанне становіцца вядома ворагам і саюзнікам. Перамагае каманда, якая першай збярэ ўказаную колькасць харчоў.
Абнаўленне таксама часова зняло абмежаванне на нашэнне паліто, кабуры, ботаў і пальчатак аж да 40 ўзроўню. А брашуры "Небяспечны дынаміт", "Вогненныя патроны", "Разрыўныя кулі", "Разрыўныя патроны II" і "Выбухная страла" даступныя пасля 60 ступені прапампоўкі.
Red Dead Online з'яўляецца шматкарыстальніцкім рэжымам Red Dead Redemption 2. Ён даступны ўсім уладальнікам гульні на PS4 і Xbox One. Бэта-версія мультыплэера была запушчана ў канцы лістапада мінулага гады.
Крыніца: 3dnews.ru