Առցանց աղբյուրների տվյալներով՝ չինական OPPO ընկերությունը ապագայում նախատեսում է սմարթֆոնները հագեցնել սեփական դիզայնի պրոցեսորներով։
Անցյալ նոյեմբերին որ OPPO-ն պատրաստում է M1 անվանումով բջջային չիպ։ Ենթադրվում էր, որ սա բարձր արդյունավետությամբ արտադրանք է, որը պարունակում է հինգերորդ սերնդի (5G) բջջային ցանցերում աշխատելու համար նախատեսված մոդեմ։ Սակայն, իրականում, պարզվեց, որ M1-ը բջջային սարքերի էներգիայի սպառումը օպտիմալացնելու համար նախատեսված համապրոցեսոր է։
Եվ հիմա հայտնի է դարձել, որ OPPO-ն մտադիր է ստեղծել սմարթֆոնների համար լիարժեք պրոցեսոր։ Նախաձեռնությունը ստացել է Mariana Plan կոդային անվանումը։
Նշվում է, որ OPPO-ն նախատեսում է երեք տարվա ընթացքում 50 միլիարդ յուան, կամ ավելի քան 7 միլիարդ դոլար, հատկացնել հետազոտությունների և մշակումների համար, այդ թվում՝ «Մարիանա պլան» ծրագրի հետ կապված։ Այլ կերպ ասած, OPPO-ն չափազանց լուրջ է մոտենում սեփական բջջային պրոցեսորներ ստեղծելու նախագծին։
Ավելացնենք, որ համաշխարհային շուկայում սմարթֆոնների երեք առաջատար մատակարարներ՝ Samsung-ը, Huawei-ն և Apple-ը, ներկայումս օգտագործում են իրենց սեփական չիպերը։
Source: 3dnews.ru
