Mitsubishi се збогува со дизел моторите

Јапонскиот производител на автомобили Mitsubishi Motors повеќе нема да развива нови дизел погонски единици, ќе го прекине производството на дизел варијанти на клучни модели на возила до крајот на 2021 година, а исто така „значително ќе го намали обемот на својот бизнис со дизел возила“, објави Nikkei Asian Review.

Во најдобар случај, потрошувачите можат да се надеваат дека компанијата ќе продолжи да работи на постоечките дизел мотори, пишува Nikkei.

Оваа одлука најмногу се должи на трендовите на некои големи пазари, особено во Европа, кои се оградуваат од употребата на дизел гориво. Изданието Никеи наведува дека според некои прогнози, глобалната продажба на дизел возила би можела да се намали за 10% во следните 40 години.

„Дизел понудите на Mitsubishi Motors ќе бидат ограничени на мали камиони и некои SUV модели во Европа и САД, како и на миниван Delica D:5 во масовно производство во Јапонија“, се вели во написот на Nikkei. Уделот на дизел возилата произведени од Mitsubishi треба да падне во следните две до три години на помалку од 20% од 24% во 2018 година.

Овој потег е конзистентен со одлуките на другите јапонски производители да престанат да се фокусираат на дизел возилата во Европа, вклучително и Toyota, Honda и партнерот на Mitsubishi Renault-Nissan-Mitsubishi, Nissan.

Извор: 3dnews.ru