Tesla bosh direktori Ilon Mask bolalarga mustaqil ravishda o‘qish, yozish va hisoblashni o‘rganish imkonini beruvchi texnologiya yaratish bo‘yicha tanlovda g‘olib chiqqan ikkita startapga 10 million dollar mukofot topshirdi.
Bolalarni o'qitishga yo'naltirilgan startaplar, onemillion va Kitkit School bu miqdorni o'zaro taqsimlaydi. Ular X-Prize Foundation Global Learning XPRIZE tanlovining yakuniy bosqichiga yo‘l olgan beshta finalchilar qatorida edi. Mask bu mukofot homiysi hisoblanadi.
Tanlov ishtirokchilari oldida uning yordamida bolalarga 15 oy ichida o‘qish, yozish va arifmetika asoslarini mustaqil o‘rganish imkonini beradigan texnologiyani ishlab chiqish vazifasi qo‘yildi.
Beshta finalchi texnologik yechimlarini sinab ko'rish uchun taklif qilindi; buning uchun har bir jamoa 1 million dollar oldi.
Tanzaniyaning 3000 ta qishlog‘ida o‘tkazilgan test sinovlarida 170 ga yaqin bola ishtirok etdi. Yangi texnologiyalar tufayli bu bolalar 15 oylik test davrida suahili tilida o‘qish va yozish ko‘nikmalarini oshirishlari kutilgan edi.
XPrize ma'lumotlariga ko'ra, bu bolalarning 74 foizi testdan oldin hech qachon maktabga bormagan, 80 foizi uyda hech qachon kitob o'qimagan va 90 foizdan ortig'i suahili tilida bir so'z ham o'qiy olmagan. Biroq, yangi texnologiya va Pixel planshetlaridan foydalangan holda 15 oylik mashg'ulotlardan so'ng o'qimaydiganlar soni ikki barobarga qisqardi.
Manba: 3dnews.ru