Կազմակերպվել է Apple iPhone 9 «ժողովրդական» սմարթֆոնի զանգվածային արտադրություն, հայտնում են ցանցի իրազեկ աղբյուրները։ Խոսքը մի սարքի մասին է, որը նախկինում հայտնի էր որպես iPhone SE 2։
Ըստ տեղեկությունների՝ նոր արտադրանքը կստանա 4,7 դյույմանոց էկրան, A13 Bionic պրոցեսոր և 3 ԳԲ օպերատիվ հիշողություն։
Ասվում է նաև, որ կթողարկվի iPhone 9 Plus տարբերակը։ Այս սարքը, ենթադրաբար, հագեցած կլինի 5,5 դյույմանոց անկյունագծով էկրանով։
Նոր արտադրանքներին վերագրվում է Touch ID տեխնոլոգիայի աջակցություն, որը թույլ է տալիս օգտվողներին նույնականացնել մատնահետքերով:
Ինչ վերաբերում է ֆլեշ կրիչի հզորությանը, ապա գնորդները, ըստ ոչ պաշտոնական տվյալների, կկարողանան ընտրություն կատարել 64 ԳԲ և 128 ԳԲ տարբերակների միջև։
Ցավոք, ոչինչ չի հաղորդվել շուկայում նոր արտադրանքի հայտնվելու ժամկետների մասին: Սակայն գնահատված գինը հայտնի է՝ $399-ից։
Համացանցային աղբյուրները նաև ավելացնում են, որ Apple-ը պատրաստվում է թողարկել iPad Pro պլանշետ՝ հինգերորդ սերնդի բջջային կապի (5G) աջակցությամբ։ Այս սարքի շնորհանդեսը սպասվում է այս տարվա վերջին։
Source: 3dnews.ru