Cyberpunk 2077-ის გამოშვება PS5-სა და Xbox Series X-ზე ამჟამად არ არის დაგეგმილი.

გუშინ ახალი ამბები მოვიდა Cyberpunk 2077-ის გამოშვება 17 სექტემბრამდე გადაიდო. თამაშის გამოშვება ჯერ კიდევ დაგეგმილია Xbox One-ზე, PS4-ზე, PC-სა და Google Stadia-ზე. მიუხედავად იმისა, რომ ახალი გამოშვების თარიღი გაცილებით უფრო ახლოსაა Xbox Series X-ისა და PlayStation 5-ის დაგეგმილ გამოსვლასთან, დეველოპერებს CD Projekt RED-ს ამჟამად არ აქვთ Cyberpunk 2077-ის გამოშვების გეგმები ახალი თაობის კონსოლებისთვის.

„Cyberpunk-ის PlayStation 4-ზე, Xbox One-სა და PC-ზე გამოსაშვებად ამჟამად მზადდება. ახალი გეგმებით არაფერი შეცვლილა“, - განაცხადა CD Projekt RED-ის ფინანსურმა დირექტორმა პიოტრ ნილუბოვიჩმა პროექტის გამოშვების ახალი თარიღის შესახებ სატელეფონო კონფერენციის დროს დასმულ კითხვებზე პასუხის გაცემისას.

 „ჩვენი გეგმები უცვლელი დარჩა“, - დაადასტურა CD Projekt RED-ის აღმასრულებელმა დირექტორმა, ადამ კიჩინსკიმ. „Cyberpunk 2077 ყოველთვის PS4-ისა და Xbox One-ისთვის იყო შემუშავებული. ჩვენ მომავალ თაობაზე ვფიქრობთ, მაგრამ ამჟამად მიმდინარე სათამაშო სისტემებზე ვართ ორიენტირებულნი. ეს გეგმა კვლავ ძალაშია“.

გასული წლის მარტში გამოქვეყნებულ წინა ფინანსურ ანგარიშში ბატონმა კიჩინსკიმ განაცხადა: „თუ შესაძლებლობა გვექნებოდა, Cyberpunk 2077 გამოგვეშვა სისტემების სხვა თაობაზე, ალბათ ამის გაკეთებას შევეცდებოდით“. ამიტომ, კვლავ საკმაოდ მაღალია ალბათობა იმისა, რომ მომავალში შეიქმნება Cyberpunk 2077-ის გაუმჯობესებული ვერსიები Xbox Series X-ისა და PS5-ისთვის, მაშინაც კი, თუ დეველოპერები ამჟამად მთლიანად Xbox One-სა და PS4-ზე არიან ორიენტირებულნი.

CD Projekt RED არ ღელავს თამაშის გამოშვებაზე ახალი, უფრო მძლავრი კონსოლების გამოსვლისას და წლის ერთ-ერთი ყველაზე დატვირთული პერიოდის განმავლობაში, როდესაც ის მასშტაბური გამოშვებებით გამოირჩევა. „ჩვენ გვჯერა, რომ ჩვენი თამაში - მასშტაბური, ერთმოთამაშიანი მოქმედებითი RPG საინტერესო სიუჟეტით - თავის ადგილს იპოვის ბაზარზე გამოსვლის თარიღის მიუხედავად“, - ხაზგასმით აღნიშნა CD Projekt RED-ის დირექტორთა საბჭოს ბიზნესის განვითარების წევრმა, მიხალ ნოვაკოვსკიმ.

„რაღაც ყოველთვის ხდება, რომელ დროსაც არ უნდა აირჩევდეთ. სათამაშო ინდუსტრია არ არის ისეთი ინდუსტრია, სადაც შეიძლება რომელიმე თვის უსაფრთხოებაზე საუბარი ამა თუ იმ მიზეზით. სწორედ ამიტომ, ამ მხრივ, სექტემბერს აპრილსა და ივნისზე უფრო საშიშად არ აღვიქვამთ“, - დასძინა ნელიუბოვიჩმა.

მიუხედავად იმისა, რომ ცხადია, თამაშის ახალი დაგეგმილი გამოსვლის თარიღი შესაძლოა გადაიდოს, CD Projekt RED დარწმუნებულია, რომ Cyberpunk 2077 სექტემბერში გამოვა. „დიახ, ჩვენ ძირითადად ვიცით და გვესმის, თამაშის რომელი ასპექტები საჭიროებს დახვეწას“, - ხაზგასმით აღნიშნა მიხალ ნოვაკოვსკიმ.

წყარო: 3dnews.ru