Интернеттегі дереккөздерге сәйкес, қытайлық OPPO компаниясы болашақта смартфондарды өз дизайнымен жасалған процессорлармен жабдықтауды жоспарлап отыр.
Өткен қараша OPPO компаниясы M1 деп аталатын мобильді чипті жасап жатыр деп хабарланды. Бастапқыда бұл бесінші буын (5G) ұялы желілеріне арналған модемі бар жоғары өнімді чип болады деп болжанған болатын. Дегенмен, M1 шын мәнінде мобильді құрылғылардың қуат тұтынуын оңтайландыруға арналған сопроцессор болып шықты.
Енді OPPO компаниясының толыққанды смартфон процессорын жасауды көздеп отырғаны белгілі болды. Бастама «Мариана жоспары» деп аталды.
OPPO үш жыл ішінде зерттеулер мен әзірлемелерге, соның ішінде Мариана жоспары бағдарламасына қатысты зерттеулер мен әзірлемелерге 50 миллиард юань немесе 7 миллиард доллардан астам қаражат бөлуді жоспарлап отыр. Басқаша айтқанда, OPPO өзінің мобильді процессорларын жасау жобасына өте байыпты қарауда.
Айта кету керек, әлемдік нарықтағы үш жетекші смартфон жеткізушісі - Samsung, Huawei және Apple қазіргі уақытта өз чиптерін пайдаланып жатыр.
Ақпарат көзі: 3dnews.ru
